Аԥсуа Ҳәынҭқарратә драматә театр аҟны имҩаԥысит "Акыр иаԥсоу Памела" апремиера 16.06.2021

Аԥарарҳара иашьҭоу ауаа абанӡананаго уи агәазыҳәара насгьы иӷару ауаҩы иламыс дабанӡақәныҟәо? Абарҭ азҵаарақәа рҭак ҟанаҵоит аԥсуа драматә театр  апремиера "Акыр иаԥсоу Памела". Аԥсуа театр арежиссиор Адгәыр Ақаҩба Џьон Патрик ипиесала иқәыргыламҭа алагамҭаз даҳбоит акыр иӷару аха згәы разу, адунеи гәаартыла издызкыло абырг заҵә Памела Кронки. Лара агәамсам еилылхуеит, ҩызысгьы илымоу лыцгәоуп. Убри аамҭазы хҩык аӷьычцәа рхы лырнааланы, лыцынхара рҽазыркуеит. Убри аан хықәкыс ирымоу аҭакәажә дышьны уи лыԥсҭазаара ашәарҭаԥса рнапахьы аагара ауп.